కువైట్: తాత్కాలిక లేదా సందర్శకుల వీసాలపై కువైట్‌కు వచ్చే వ్యక్తులు ప్రభుత్వ ఆసుపత్రులు, ప్రత్యేక కేంద్రాలు , ప్రాథమిక సంరక్షణ కేంద్రాలలో ఆరోగ్య సంరక్షణ సేవలను పొందకుండా మినహాయించాలని ఆరోగ్య మంత్రి డాక్టర్ అహ్మద్ అల్-అవధి ఉత్తర్వులు జారీ చేశారు.

ఆరోగ్య బీమా పరిధిలోకి వచ్చే పౌరులు, నివాసితుల వైపు వనరులు మరియు వైద్య సామర్థ్యాలను మళ్ళించే ప్రయత్నాలలో భాగంగా ఈ చర్య తీసుకున్నట్లు ఆరోగ్య మంత్రిత్వ శాఖ వెల్లడించింది.  తద్వారా ఆరోగ్య సంరక్షణ వ్యవస్థ స్థిరత్వాన్ని కాపాడటంతోపాటు సేవల నాణ్యతను కాపాడుతుంది. సమగ్ర ఆరోగ్య సంరక్షణ వ్యూహంతో ఈ నిర్ణయం అనుసంధానించబడిందని మంత్రిత్వ శాఖ ఒక ప్రకటనలో తెలిపింది.