పవర్‌స్టార్ పవన్ కళ్యాణ్ పుట్టినరోజు సందర్భంగా ఆయన అభిమానులకు సినీ బృందం నుంచి పెద్ద గిఫ్ట్ వచ్చింది. ‘ఓజీ’ (OG) సినిమాకి సంబంధించిన మాస్ గ్లింప్స్‌ను చిత్రబృందం సెప్టెంబర్ 2వ తేదీన విడుదల చేసింది. ఈ వీడియో సోషల్ మీడియాలో వేగంగా వైరల్ అవుతూ ఫ్యాన్స్‌ను ఉత్సాహంగా ముంచెత్తుతోంది.

యువ దర్శకుడు సుజీత్ తెరకెక్కిస్తున్న ఈ గ్యాంగ్‌స్టర్ యాక్షన్ డ్రామాలో పవన్ కళ్యాణ్‌ ను ఒక నయా యాంగిల్‌లో చూపించారు.విడుదలైన గ్లింప్స్‌లో ఆయన పవర్‌ఫుల్ యాక్షన్, స్టైల్, డైలాగ్ డెలివరీ అభిమానులకు గూస్‌బంప్స్ తెచ్చేలా ఉన్నాయి.

ఈ చిత్రంలో పవన్ సరసన ప్రియాంక అరుల్ మోహన్ కథానాయికగా కనిపించనుండగా, బాలీవుడ్ స్టార్ ఇమ్రాన్ హష్మీ విలన్ పాత్రలో దర్శనమివ్వబోతున్నారు. అర్జున్ దాస్, ప్రకాశ్ రాజ్ వంటి నటులు కీలక పాత్రలు పోషిస్తున్నారు.

ఈ చిత్రాన్ని డీవీవీ ఎంటర్‌టైన్‌మెంట్ పతాకంపై డీవీవీ దానయ్య అత్యంత ప్రతిష్ఠాత్మకంగా నిర్మిస్తున్నారు. మ్యూజిక్ డైరెక్టర్‌గా తమన్ పనిచేస్తున్నారు.ఇప్పటికే విడుదలైన గ్లింప్స్ సినిమా స్థాయి ఏంటో అర్థమయ్యేలా చేస్తోంది.

‘ఓజీ’ సినిమా సెప్టెంబర్ 25, 2025న ప్రపంచవ్యాప్తంగా గ్రాండ్ రిలీజ్‌కు సిద్ధమవుతోంది. ఈ గ్లింప్స్ విడుదలతో సినిమాపై అంచనాలు ఆకాశాన్ని తాకుతున్నాయి. ఫ్యాన్స్ ఇప్పటికే ట్రెండ్స్‌లో సినిమా పేరును దూసుకెళ్లిస్తున్నారు.