యూఏఈ: ఆన్‌లైన్ పిల్లల లైంగిక వేధింపులకు పాల్పడుతున్న వారిపై యూఏఈ కఠిన చర్యలు తీసుకుంది. యూఏఈ అంతర్గత వ్యవహారాల మంత్రిత్వ శాఖ 14 దేశాలలో ఆన్‌లైన్ పిల్లల లైంగిక దోపిడీకి వ్యతిరేకంగా అంతర్జాతీయ ఆపరేషన్‌కు నాయకత్వం వహించింది. ఈ సందర్భంగా 188 మందిని అరెస్టు చేశారు. యూఏఈ ఆధ్వర్యంలో రష్యా, ఇండోనేషియా, బెలారస్, సెర్బియా, కొలంబియా, థాయిలాండ్, నేపాల్, పెరూ, బ్రెజిల్, ఫిలిప్పీన్స్, కిర్గిజ్స్తాన్, ఈక్వెడార్, మాల్దీవులు మరియు ఉజ్బెకిస్తాన్‌లలో స్పెషల్ ఆపరేషన్ జరిగింది.  

ఆన్‌లైన్‌లో పిల్లల లైంగిక దోపిడీ నేరాలను ఎదుర్కోవడం ఈ ఆపరేషన్ లక్ష్యం.  ఇది గణనీయమైన ఫలితాలను ఇచ్చింది. దీని ద్వారా ప్రపంచవ్యాప్తంగా వివిధ దేశాల నుండి 165 మంది పిల్లలను రక్షించారు. మొత్తం 28 క్రిమినల్ నెట్‌వర్క్‌లను నిర్వీర్యం చేసినట్లు మంత్రి సైఫ్ బిన్ జాయెద్ అల్ నహ్యాన్ అన్నారు.