దోహా: అడల్ట్ ఎడ్యుకేషన్ ఈవెనింగ్ సెంటర్స్ ను ప్రారంభించనున్నట్లు ఖతార్ విద్యామంత్రిత్వశాఖ ప్రకటించింది. ఈ సెంటర్లు జీవితాంతం నేర్చుకునే అవకాశాలను ప్రోత్సహిస్తాయని, సమాజంలోని అన్ని వర్గాలకు అనువైన విద్యా ఎంపికలను అందిస్తాయని తెలిపింది.  2025-2026 విద్యా సంవత్సరానికి సంబంధించి తొమ్మిది కొత్త కేంద్రాలను ప్రారంభించినట్లు ప్రకటించింది. వీటికి ప్రభుత్వ పాఠశాలలు అవసరమైన విద్యా, పరిపాలనా మరియు సాంకేతిక సిబ్బందిని సమకూర్చుతారని తెలిపింది.  
అల్ అబ్, అల్ మామౌరా, ముయిథర్, అల్ వక్రా, అల్ షహానియా, ఐన్ ఖలీద్, అల్ మార్ఖియా, అల్ ఖోర్ మరియు అబు హమూర్ లలో త్వరలో అడల్ట్ ఎడ్యుకేషన్ ఈవెనింగ్ సెంటర్స్ అందుబాటులోకి వస్తాయని వెల్లడించింది. ఈ కేంద్రాలలో నేరుగా రిజిస్ట్రేషన్ చేసుకోవాలని సూచించింది.