సోసల్‌ మీడియాలో బెంగాలీ కార్మికులపై వస్తున్న కథనాలపై మినిస్ట్రీ ఆఫ్‌ ఇంటీరియర్‌ స్పందించింది. బెంగాలీ కార్మికులు లేబర్‌ రిక్వైర్‌మెంట్స్‌ కోసం మినిస్ట్రీ ఎంపిక చేయడం జరిగిందనీ, వారిని సెక్యూరిటీ మరియు పోలీస్‌ వర్క్‌ నుంచి మినహాయించామని మినిస్ట్రీ వివరించింది. ఎలక్ట్రీషియన్లు, ఆటో మెకానిక్స్‌, ఇంజిన్‌ రిపేర్‌మెన్‌, పెయింటర్స్‌, కార్పెంటర్స్‌ తదితర విభాగాల్లో వినియోగిస్తున్నాం తప్ప, మినిస్ట్రీ ఆఫ్‌ ఇంటీరియర్‌కి చెందిన సెక్యూరిటీ మరియు పోలీస్‌ ఆపరేషన్స్‌లో ఉపయోగించడంలేదని అధికారులు స్పష్టం చేశారు. కువైట్‌ మినిస్ట్రీ ఆఫ్‌ డిఫెన్స్‌ అలాగే రిపబ్లిక్‌ ఆఫ్‌ బంగ్లాదేశ్‌ మధ్య కుదిరిన ఒప్పందం మేరకు 293 మంది వర్కర్లు మరియు టెక్నీషియన్లు ఇప్పటికే మినిస్ట్రీ ఆఫ్‌ ఇంటీరియర్‌లో పనిచేస్తున్నారు. మరో 350 మంది రానున్న మూడేళ్ళలో ప్రతి ఏడాదీ అదనంగా తీసుకోబడ్తారని అధికారులు వెల్లడించారు.మినిస్ట్రీకి చెందిన సెక్యూరిటీ లేదా పోలీస్‌ డ్యూటీస్‌తో ఈ కార్మికులకు ఎలాంటి సంబంధం ఉండదని మినిస్ట్రీ చెప్పింది. పోలీస్‌ వాహనాల్ని వారెవరూ వినియోగించరనీ, మినిస్ట్రీ వారికి వాహనాల్ని ప్రత్యేకంగా సమకూరుస్తుందని తెలియవస్తోంది.