దోహా: ఖతార్ లో లైసెన్స్ లేని ఆయుధాలను కలిగి ఉన్న పౌరులందరూ విధిగా లైసెన్స్ పొందాలని సూచించింది. ఇందులో వారసత్వంగా, వీలునామా ద్వారా లేదా గడువు ముగిసిన ఆయుధాల లైసెన్స్‌లు ఉన్నవారు, క్రిమినల్ ఎవిడెన్స్ అండ్ ఇన్ఫర్మేషన్ డిపార్ట్‌మెంట్‌లోని ఆయుధాలు ఉన్నవారు విధిగా ఆయుధాల లైసెన్సింగ్ కార్యాలయాన్ని సందర్శించి, అవసరమైన లైసెన్స్ పొందాలని అంతర్గత వ్యవహారాల మంత్రిత్వ శాఖ ఉత్తర్వులు జారీ చేసింది.

అక్టోబర్ 1 నుండి డిసెంబర్ 31 వరకు కాలంలో నమోదు కాని ఆయుధాలకు లైసెన్స్ పొందడం లేదా గడువు ముగిసిన లైసెన్స్‌లను పునరుద్ధరించడం అత్యవసరమని మంత్రిత్వ శాఖ తెలిపింది.  2026 జనవరి 1 నుండి లైసెన్స్ లేని ఆయుధాన్ని కలిగి ఉన్నట్లు తేలిన వారిపై చట్టపరమైన చర్యలు తీసుకుంటామని హెచ్చరించింది. లైసెన్స్ లేకుండా ఆయుధాన్ని కలిగి ఉంటే.. జైలు శిక్ష మరియు జరిమానా విధిస్తామని హెచ్చరించింది.