దోహా: ఖతార్ రక్షణ మంత్రిత్వ శాఖ సహకారంతో సామాజిక అభివృద్ధి మరియు కుటుంబ మంత్రిత్వ శాఖ (MSDF) సోషల్ సెక్యురిటీని బలోపేతం చేసేందుకు మద్దతుగా ‘టెస్టాహెల్’ కార్డ్‌ ను ప్రారంభించింది. జీవన వ్యయాలను తగ్గించడం, లబ్ధిదారులకు అవసరమైన సేవలను మరింత సులభంగా, తక్కువ ఖర్చుతో పొందేలా చేయడం ఈ కార్డు లక్ష్యమని ఖతార్ సాయుధ దళాల చీఫ్ ఆఫ్ స్టాఫ్ లెఫ్టినెంట్ జనరల్ (పైలట్) జాసిమ్ బిన్ మొహమ్మద్ అల్ మన్నాయ్ తెలిపారు.

కమ్యూనిటీకి సేవ చేసే జాతీయ కార్యక్రమాలకు, ముఖ్యంగా అర్హులైన గ్రూపులకు సామాజిక మరియు జీవనోపాధి సాధికారతకు సంబంధించి రక్షణ మంత్రిత్వ శాఖ మద్దతు ఇస్తూనే ఉంటుందని ఆయన వెల్లడించారు. ఈ కార్డు లబ్ధిదారులకు అనేక ప్రభుత్వ, ప్రైవేట్ సంస్థల నుండి సేవలు,  డిస్కౌంట్లను పొందేందుకు వీలు కల్పిస్తుందని తెలిపారు.