మస్కట్: ఒమన్ సుల్తాన్ హైతం బిన్ తారిక్ బెలారస్ పర్యటనకు బయలుదేరి వెళ్లారు. ఆయన రెండు రోజులపాటు బెలారస్ లో పర్యటించనునారు. ఈ సందర్భంగా బెలారస్ అధ్యక్షుడు అలెగ్జాండర్ లుకాషెంకోతో సమావేశమవుతారు. వివిధ రంగాలకు సంబంధించిన విషయాలపై సమీక్షలు జరుపుతారు. రెండు దేశాల మధ్య ఇప్పటికే ఉన్న బలమైన సంబంధాలను మరింత ముందుకు తీసుకుపోయేందుకు అవసరమైన రోడ్ మ్యాప్ లపై ఇరుదేశాధినేతలు చర్చలు జరుపుతారు. తన పర్యటనలో భాగంగా పలు కార్యక్రమాల్లో ఒమన్ సుల్తాన్ పాల్గొంటారని సుల్తాన్ అధికార కార్యాలయం ఒక ప్రకటనలో వెల్లడించింది.