రియాద్: రాయల్ కమిషన్ ఫర్ రియాద్ సిటీ (RCRC) రియల్ ఎస్టేట్ రంగానికి ఊతమిచ్చేలా కీలక నిర్ణయం తీసుకుంది.  రియాద్‌కు వెస్ట్ లో ఉన్న వాడి హనీఫా సమీపంలోని 33.24 చదరపు కిలోమీటర్ల విస్తీర్ణంలో ఉన్న ల్యాండ్ పై విధించిన సస్పెన్షన్‌ను ఎత్తివేస్తున్నట్లు ప్రకటించింది. ఇక వాటి యజమానులు వాడి హనీఫా మరియు దాని ఉపనదులకు సంబంధించిన పట్టణ కోడ్ ప్రకారం ప్లాట్ల అమ్మకాలు, కొనుగోళ్లు, భవన నిర్మాణాలు చేసుకోవచ్చని తెలిపింది.   

ఈ నిర్ణయం రియల్ ఎస్టేట్ రంగానికి మద్దతు ఇస్తుందని మార్కెట్ నిపుణులు హర్షం వ్యక్తం చేశారు. రియాద్ పట్టణ ప్రణాళిక నిబంధనలు నిర్మాణ రంగంతోపాటు చుట్టుపక్కల పట్టణ వాతావరణాన్ని మెరుగుపరచడం, జీవన నాణ్యతను పెంచడం లక్ష్యంగా పెట్టుకున్నాయని కమిషన్ వివరించింది.