యూఏఈః యూఏఈలో డొమెస్టిక్ వర్కర్లకు సంబంధించిన వీసా జారీ, రెన్యూవల్, క్యాన్సిల్ వంటి సేవలు ఇక ఆన్ లైన్ ద్వారా అందుబాటులోకి రానున్నాయి. వర్క్ ఇన్ యూఏఈ అనే డిజిటల్ ప్లాట్‌ఫామ్ ద్వారా డొమెస్టిక్ వర్కర్ల వైద్య సేవలను కూడా చేయవచ్చు.ఈ మేరకు మానవ వనరులు మరియు ఎమిరేటైజేషన్ మంత్రిత్వ శాఖ (MoHRE) వెల్లడించింది. వివిధ మంత్రిత్వశాఖల సమన్వయంతో ఇది సాధ్యమైందని తెలిపింది. ఇది యూఏఈ జీరో గవర్నమెంట్ బ్యూరోక్రసీ ప్రోగ్రామ్‌కు మద్దతు ఇస్తుందన్నారు.  
ఈ ప్లాట్‌ఫామ్ ద్వారా వినియోగదారులు గృహ కార్మికులను ఆన్‌లైన్‌లో నియమించుకోవడానికి సంబంధించిన అన్ని కీలక దశలను పూర్తి చేయవచ్చని లేబర్ మార్కెట్ మరియు ఎమిరటైజేషన్ ఆపరేషన్స్ అండర్ సెక్రటరీ ఖలీల్ ఇబ్రహీం ఖూరి తెలిపారు.