యూఏఈ: యూఏఈ గోల్డెన్ వీసా హోల్డర్లు విదేశాల్లో అత్యవసర పరిస్థితుల్లో యూఏఈ కాన్సులర్ సేవలను పొందవచ్చు. ఈ మేరకు సేవలను ప్రారంభించినట్లు విదేశాంగ మంత్రిత్వ శాఖ తెలిపింది.  విపత్తులు మరియు సంక్షోభాల సమయంలో అత్యవసర తరలింపు, అవసరమైన సంరక్షణ, మద్దతును అందించడానికి ప్రత్యేక హాట్‌లైన్‌ను ఏర్పాటు చేసినట్లు వెల్లడించింది.    

అలాగే,  విదేశాలలో ఉన్నప్పుడు పాస్‌పోర్ట్‌లను పోగొట్టుకున్నా లేదా దెబ్బతిన్నా, ఆన్ లైన్ ద్వారా ఎలక్ట్రానిక్ రిటర్న్ డాక్యుమెంట్‌ను పొందవచ్చని మంత్రిత్వ శాఖ తెలిపింది.  గోల్డెన్ వీసా హోల్డర్లు అత్యవసర సమయాల్లో మోఫా కాల్ సెంటర్ ను +97124931133 నంబర్ లో నేరుగా కమ్యూనికేట్ కావచ్చు.