శంకర్ దర్శకత్వంలో తెరకెక్కుతున్న 'రోబో 2.0' రజనీకాంత్ తో బాలీవుడ్ స్టార్ అక్షయ్ కుమార్ తలపడుతున్నారు. కొన్ని రోజుల క్రితం ఆయన గెటప్ కి సంబంధించిన ఒక స్టిల్ బయటికి వచ్చింది. నల్లటి దుస్తుల్లో కాకిని పోలిన గెటప్‌లో ఉన్నారు అక్షయ్. ఈ సినిమాలో ఆయన ఒక అబ్సెషన్ సైంటిస్ట్ పాత్రలో కనిపిస్తాడని చెప్పుకుంటున్నారు. ఇదే అంశాన్ని అక్షయ్ కుమార్ దగ్గర ప్రస్తావిస్తే ఆయన పెద్దగా నవ్వేశారు. ఈ వార్త తనకి కొత్తగా అనిపిస్తోందని వ్యాఖ్యానించారు. ఆ గెటప్ లో తాను ఒక హోటల్ కి వెళ్లానని.. ఎవరూ తనని విచిత్రంగా చూడలేదని చెప్పుకొచ్చారు. ఆ గెటప్‌లో తననెవరూ గుర్తుపట్టలేదని తెలిపారు. ఈ రోల్ కోసం తనకి మేకప్ వేయడానికి 6 గంటలు పట్టేదని చెప్పారు. తన పాత్ర కొత్తగా .. ఊహించలేని విధంగా ఉంటుందని వెల్లడించారు.