రజనీకాంత్ ఇండియా ఎప్పుడొస్తారు? అని ఎదురు చూస్తున్న అభిమానులకు శుభవార్త. తలైవా (నాయకుడు) ఇండియా వచ్చేశారు. విశ్రాంతి కోసమని సుమారు నెల రోజుల క్రితం రజనీకాంత్ అమెరికా వెళ్లిన సంగతి తెలిసిందే. మధ్యలో సచ్చిదానంద ఆశ్రమాన్ని సందర్శించారు. ఇటీవల విడుదలైన ఆయన తాజా చిత్రం 'కబాలి'ని సైతం అమెరికాలోనే వీక్షించారు.శనివారం సాయంత్రం రజనీ అమెరికా నుంచి చెన్నై ప్రయాణమయ్యారు. ఎయిర్‌పోర్ట్‌లో రజనీని చూసిన కొందరు అభిమానులు ఫొటోలు తీసి, సోషల్ మీడియాలో పోస్ట్ చేశారు. చెన్నైలో రెండు మూడు రోజులు విశ్రాంతి తీసుకున్న తర్వాత '2.0' షూటింగ్‌లో రజనీ పాల్గొంటారని సమాచారం.