వాషింగ్టన్:2026,  ఫిబ్రవరి 1 నుండి 4వ తేదీ వరకు దోహాలో వెబ్ సమ్మిట్ ఖతార్ మూడవ ఎడిషన్‌ జరుగనుంది.దీనిని ప్రమోట్ చేసేందుకు 'రన్‌వే టు వెబ్ సమ్మిట్ ఖతార్' పేరిట  వాషింగ్టన్ ఓ కార్యక్రమాన్ని ఖతార్ స్టేట్ రాయబార కార్యాలయం నిర్వహించింది.  ఇందులో టెక్నాలజీ రంగాలలోని యూఎస్ కంపెనీల ప్రతినిధులు పాల్గొన్నారు.

ఈ సందర్భంగా జరిగిన ప్యానెల్ సెషన్‌లో GCOలోని స్టడీస్ అండ్ స్ట్రాటజిక్ ప్లానింగ్ డైరెక్టర్ సౌద్ అహ్మద్ అల్ బోయినిన్ పాల్గొన్నారు. వెబ్ సమ్మిట్ ఖతార్ ఆవిష్కరణలను, ప్రపంచ పర్యావరణ వ్యవస్థలను అనుసంధానించే ప్రముఖ వేదికగా మారిందని తెలిపారు. గత ఏడాది సుమారు 100 స్టార్టప్‌లు దోహాకు తరలివచ్చాయని,  ఈ సంఖ్య వచ్చే ఏడాదికి 200కి చేరుతుందని ఆశాభావం వ్యక్తం చేశారు.