మక్కా: మక్కాలోని మస్జిద్ అల్-హరామ్ పై అంతస్తుల నుండి ఒక వ్యక్తి దూకి ఆత్మహత్యకు ప్రయత్నించడం కలకలం రేపింది.ఈ ఘటన పై గ్రాండ్ మసీదు భద్రత కోసం ఏర్పాటు చేసిన ప్రత్యేక దళాలు స్పందించాయి.ఆ వ్యక్తి కింద పడుతున్నప్పుడు నేలను తాకకుండా నిరోధించే ప్రయత్నంలో ఒక భద్రతా అధికారికి గాయాలయ్యాయని అధికారులు తెలిపారు. గాయపడ్డ వ్యక్తితోపాటు అధికారిని అవసరమైన వైద్య చికిత్స కోసం ఆసుపత్రికి తరలించినట్లు పేర్కొన్నారు. సదరు వ్యక్తి పై చట్టపరమైన ప్రక్రియలు చేపట్టినట్టు అధికారులు తెలిపారు.