కువైట్: కువైట్ లో 15 ప్రైవేట్ ఫార్మసీల లైసెన్స్‌లను రద్దు చేశారు.అవి 1996 నాటి చట్టం నంబర్ 28 నిబంధనలను ఉల్లంఘించాయని ఆరోగ్య మంత్రి డాక్టర్ అహ్మద్ అల్-అవధి తన ఉత్తర్వుల్లో పేర్కొన్నారు.తనిఖీల సందర్భంగా అధికారులు ఉల్లంఘనలను గుర్తించారని తెలిపారు.  బాధ్యులపై కేసులను నమోదు చేసి, పబ్లిక్ ప్రాసిక్యూషన్‌కు రిఫర్ చేసినట్లు వెల్లడించారు.

ఔషధ తయారీ తేదీల్లో అస్పష్టత, వైద్య ఉత్పత్తుల నిబంధనల ఉల్లంఘన, సరైన మెడిసిన్స్ స్టాక్ మెయింటన్ చేయకపోవడం వంటి తీవ్రమైన ఉల్లంఘనలను అధికారులు గుర్తించారని తన ప్రకటనలో మంత్రిత్వశాఖ తెలిపింది.చట్టాలను ఉల్లంఘించిన వారిపై కఠినంగా వ్యవహారిస్తామని, లైసెన్స్‌లను దుర్వినియోగం చేసే వారిపై క్రిమినల్ చర్యలు తీసుకుంటామని హెచ్చరించారు.