కువైట్: కువైట్ లో భారీ నగదు స్మగ్లింగ్ ప్రయత్నాన్ని కస్టమ్స్ విభాగం అడ్డుకుంది. కువైట్ అంతర్జాతీయ విమానాశ్రయం – టెర్మినల్ 5 వద్ద నగదుతో దేశంలోకి ప్రవేశించడానికి ప్రయత్నించిన ఒక ప్రయాణికుడిని పట్టుకున్నట్లు జనరల్ అడ్మినిస్ట్రేషన్ ఆఫ్ కస్టమ్స్ వెల్లడించింది. ఒక అరబ్ దేశం నుండి వచ్చిన ఆ ప్రయాణికుడి వద్ద ప్రకటించని US$10,000, KWD 1,467 మరియు సుమారు ఐదు లక్షల సిరియన్ పౌండ్ల నగదు ఉన్నట్లు గుర్తించినట్లు తెలిపారు.

మనీలాండరింగ్‌ 2013 నాటి చట్టం ప్రకారం, ప్రయాణికులు KWD 3,000 లేదా దానికి సమానమైన విదేశీ కరెన్సీలలోని మొత్తాలను తప్పనిసరిగా ప్రకటించాలని జనరల్ అడ్మినిస్ట్రేషన్ ఆఫ్ కస్టమ్స్ స్పష్టం చేసింది. చట్టపరమైన పరిణామాలను నివారించడానికి ప్రయాణికులు ఆమోదించబడిన సూచనలు మరియు విధానాలను ఖచ్చితంగా పాటించాలని కోరారు.