మనామా: బహ్రెయిన్ కు రికార్డు స్థాయిలో ప్రయాణికులు రాకపోకలు సాగించారు.  రవాణా మరియు టెలికమ్యూనికేషన్ల మంత్రిత్వ శాఖ విడుదల చేసిన తాజా నెలవారీ గణాంకాల ప్రకారం.. జనవరి మరియు నవంబర్ 2025 మధ్య బహ్రెయిన్ అంతర్జాతీయ విమానాశ్రయం టెర్మినల్స్ గుండా ఎనిమిది మిలియన్ల మంది ప్రయాణికులు రాకపోకలు సాగించారు. ఇదే సమయంలో విమానాశ్రయం97,000 కంటే ఎక్కువ విమాన రాకపోకలు నమోదు అయ్యాయి.

ఇక 951,795 మంది ప్రయాణికులు, 9,029 రాకపోకల విమానాలతో ఆగస్టు ఈ సంవత్సరంలో అత్యంత రద్దీగా ఉన్న నెలగా నిలిచింది. జూలైలో కూడా 865,753 మంది ప్రయాణికులు, 8,748 విమాన రాకపోకలతో భారీ రద్దీ కనిపించింది. మార్చిలో ప్రయాణికుల సంఖ్య అత్యల్పంగా 594,824కి పడిపోగా, అదే సమయంలో 7,395 విమాన రాకపోకలు నమోదయ్యాయి.   

బహ్రెయిన్ గగనతలం మీదుగా ప్రయాణించే విమానాల సంఖ్య గణనీయంగా కొనసాగింది. 2025 మొదటి 11 నెలల్లో 500,000 కంటే ఎక్కువ విమానాలు బహ్రెయిన్ గగనతలం గుండా ప్రయాణించాయి. జనవరి మరియు నవంబర్ మధ్య కార్గో మరియు ఎయిర్‌మెయిల్ పరిమాణం 360,000 టన్నులకు పైగా ఉంది. ఇందులో ఇన్‌బౌండ్, అవుట్‌బౌండ్ మరియు ట్రాన్సిట్ సరుకు రవాణా ఉన్నాయని నివేదికలో వెల్లడించారు.