ఇరాన్ దేశవ్యాప్తంగా చెలరేగిన ఆందోళనలు, ఇంటర్నెట్ నిలిపివేత
- January 09, 2026
టెహ్రాన్: ఇరాన్లో ప్రభుత్వ వ్యతిరేక ఆందోళనలు తీవ్రమైన దశకు చేరుకున్నాయి. దేశవ్యాప్తంగా ఇంటర్నెట్ సేవలను నిలిపివేయడం, నిరసనకారులపై కఠిన చర్యలు తీసుకోవడం, మరణాల సంఖ్య పెరగడం వంటి పరిణామాలతో పరిస్థితి మరింత ఉద్రిక్తంగా మారింది. డిసెంబర్ 28న టెహ్రాన్ బజార్ మూసివేతతో ప్రారంభమైన ఈ నిరసనలు ఇప్పుడు దేశవ్యాప్తంగా వ్యాపించిన ఉద్యమంగా మారాయి. ఆర్థిక పరిస్థితి క్షీణించడం, కరెన్సీ విలువ పడిపోవడమే ఈ ఉద్యమానికి ప్రధాన కారణంగా చెబుతున్నారు.
గురువారం ఇరాన్లో గత రెండు వారాల్లోనే అతిపెద్ద ప్రభుత్వ వ్యతిరేక నిరసనలు చోటుచేసుకున్నాయని నివేదికలు వెల్లడించాయి. ప్రజలు–మతాధికార నాయకత్వం మధ్య ఉద్రిక్తతలు పెరగగా, ఆర్థిక సంక్షోభం ఈ ఘర్షణలకు నిప్పు పెట్టినట్లు కనిపిస్తోంది. రియాల్ విలువ పడిపోవడం, నిరుద్యోగం, ధరల పెరుగుదలపై ప్రజల్లో తీవ్ర అసంతృప్తి వ్యక్తమవుతోంది.
ప్రకారం, డిసెంబర్ 28, 2025 నుంచి జనవరి 8, 2026 మధ్య కనీసం 42 మంది ఈ నిరసనల్లో ప్రాణాలు కోల్పోయారు. వీరిలో 29 మంది నిరసనకారులు, ఎనిమిది మంది భద్రతా సిబ్బంది, అలాగే 18 ఏళ్ల లోపు ఐదుగురు పిల్లలు, కిశోరులు ఉన్నట్లు తెలిపింది. ఇదే సమయంలో నార్వేకు చెందిన ఎన్జీఓ Iran Human Rights ప్రకారం, బుధవారం ఒక్క రోజే 13 మంది నిరసనకారులు మరణించారు.
రాజధాని టెహ్రాన్లో భారీ ర్యాలీలు జరిగాయి. రహదారులపై వేలాదిగా ప్రజలు గుమికూడి నినాదాలు చేస్తూ కనిపించిన దృశ్యాలు సోషల్ మీడియాలో విస్తృతంగా వైరల్ అయ్యాయి. వాయవ్య టెహ్రాన్లోని అయతొల్లా కాషానీ బులేవార్డ్లో భారీ జనసమూహం చేరినట్లు AFP నివేదించింది. అదే విధంగా పశ్చిమ నగరమైన అబాదాన్లోనూ నిరసనల దృశ్యాలు వెలుగులోకి వచ్చాయి.
బుధవారం రోజున కనీసం 21 ప్రావిన్సులలోని 46 నగరాల్లో నిరసనలు జరిగినట్లు HRANA తెలిపింది. కుర్దిష్ ప్రాంతాల్లో మార్కెట్ల మూసివేతలు చోటుచేసుకోగా, కుర్దిస్తాన్, వెస్ట్ అజర్బైజాన్, కర్మాన్షా, ఇలామ్ ప్రావిన్సుల్లోని అనేక నగరాలు ఈ సమ్మెల్లో భాగమయ్యాయి.
దేశవ్యాప్తంగా చేపట్టిన దమనకాండలో మరో 60 మందిని అరెస్ట్ చేసినట్లు నివేదికలు పేర్కొన్నాయి.డిసెంబర్ 28 నుంచి ఇప్పటి వరకు 2,277 మందికిపైగా అరెస్టయ్యారు. వీరిలో కనీసం 166 మంది 18 ఏళ్లలోపు వారిగా, 48 మంది విశ్వవిద్యాలయ విద్యార్థులుగా గుర్తించారు. అంతేకాకుండా, నిరసనలు ప్రారంభమైనప్పటి నుంచి రాష్ట్ర మీడియా ద్వారా 45 బలవంతపు ఒప్పుకోలు ప్రసారం చేసినట్లు కూడా ఆరోపణలు ఉన్నాయి.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







