మనామా: హుస్సామ్ అసీమ్ అని కూడా పిలువబడే బహ్రెయిన్ రాపర్ ఫ్లిప్పరాచి..త్వరలో ఇండియా టూర్ వెళ్లనున్నట్లు తెలిపాడు. ఇటీవల తన 'ఫా9లా' ట్రాక్‌కు అపారమైన ప్రజాదరణ పొందింది. ఈ క్రమంలో తన భారతీయ అభిమానుల గురించి మాట్లాడుతూ.. త్వరలోనే ఇండియా టూర్ కు వెళ్లనున్నట్లు, అందుకు సన్నాహాలు జరుగుతున్నాయని , తేదీలను త్వరలో ప్రకటిస్తానని తెలిపారు.

బాలీవుడ్ బ్లాక్‌బస్టర్ 'ధురందర్' సినిమాలో ఫా9లా పాటను చేర్చిన తర్వాత అది వైరల్ గా మారింది. ఇండియా అంతటా ఫ్లిప్పరాచికి ప్రజాదరణ పెరిగింది. ఫా9లా పాట వాస్తవానికి 2024 ప్రారంభంలో ఒక సరదా, పార్టీ పాటగా విడుదలైనప్పటికీ, 'ధురందర్' సినిమాలో అక్షయ్ ఖన్నా నేపథ్యంలో దీనిని ఉపయోగించడం వల్ల ఈ పాటకు మరింత గుర్తింపు లభించింది.   బాలీవుడ్ స్టార్ రణవీర్ సింగ్ తన ఇన్‌స్టాగ్రామ్‌లో ఫా9లా పాటను విని, దానిని ప్రేక్షకులకు పరిచయం చేయడంతో ఈ పాట ప్రాచుర్యం మరింత విస్తరించిందని అన్నారు.  

"యా అఖి దూస్ దూస్" అనే లైన్ లో సాధారణంగా వినిపించే ఫా9లా అనే పదం బహ్రెయిన్ యాస అని, దీని అర్థం తిరగడం, వదులుకోవడం, నృత్యం చేయడం మరియు ఆనందించడం అని ఫ్లిప్పెరాచి స్పష్టం చేశారు. ఇది బహ్రెయిన్ మరియు ఇండియాలోని సంస్కృతులను అనుసంధానించడానికి మరియు మ్యూజిక్ అభిమానులను కనెక్ట్ చేయడానికి సహాయపడిందని నమ్ముతున్నట్టు పేర్కొన్నారు.