దోహా: ఫిబ్రవరి 5 నుండి 10 వరకు ఓల్డ్ దోహా పోర్టు ఫిట్‌నెస్, వెల్నెస్ కు కేంద్రంగా మారనుంది. ఆరు రోజులపాటు సాగే స్పోర్ట్స్ ఫెస్టివల్ MOVE కోసం టిక్కెట్ సేల్స్ ప్రారంభమైనట్లు ఓల్డ్ దోహా పోర్టు ప్రకటించింది. ఒకే వేదికపై స్పోర్ట్స్ వేర్, స్పోర్ట్స్ ప్రోడక్ట్స్ లతోపాటు వివిధ క్రీడలకు సంబంధించిన కార్యకలాపాలు కూడా అందుబాటులో ఉంటాయని తెలిపారు.  అదే సమయంలో సందర్శకులు ఎరాడా ఫిట్‌నెస్, మ్యాట్రిక్స్ జిమ్ మరియు A13 అకాడమీ అందించే రోజువారీ ఫిట్‌నెస్ సెషన్‌లలో కూడా పాల్గొనవచ్చని తెలిపింది.  

స్పోర్ట్స్ ఫెస్టివల్ లో  భాగంగా ఎరాడా ఫిట్‌నెస్ త్రోడౌన్ 2026 పేరిట ఫిట్‌నెస్ గేమ్స్ స్పెషల్ అని, ఈ కార్యక్రమం ఫిబ్రవరి 6న మహిళల పోటీతో ప్రారంభమవుతుందని తెలిపారు.  ఇది ఒక ప్రైవేట్ మహిళలు మాత్రమే పాల్గొనే ఈవెంట్ అని, తరువాత ఫిబ్రవరి 7న పురుషుల పోటీ జరుగుతుందని ఓల్డ్ దోహా పోర్ట్ CEO ఇంజనీర్ మొహమ్మద్ అబ్దుల్లా అల్ ముల్లా పేర్కొన్నారు.  MOVE కోసం టిక్కెట్లు వర్జిన్ మెగాస్టోర్ లో కూడా అందుబాటులో ఉంటాయని తెలిపారు.