రియాద్:  సౌదీ అరేబియాలో క్రోనిక్ డిసీజ్ డెత్స్ 40శాతం తగ్గాయని సౌదీ ఆరోగ్య మంత్రి ఫహద్ అల్-జలాజెల్ తెలిపారు. హెల్త్ సెక్టర్ లో చేపట్టిన సంస్కరణల కారణంగా ఇది సాధ్యమైందని పేర్కొన్నారు. అలాగే, రోడ్డు ప్రమాద మరణాలలో 60 శాతం, అంటు వ్యాధుల మరణాలలో 50 శాతం తగ్గుదల నమోదు అయిందని తెలిపారు.

అలాగే, ఇతర కారణాల వల్ల సంభవించే మరణాలలో 30 శాతం తగ్గుదల ఉందన్నారు. మొత్తంగా సౌదీలో సగటు ఆయుర్దాయం 79.7 సంవత్సరాలకు చేరుకుందని రియాద్‌లో జరిగిన సౌదీ మోడల్ ఆఫ్ కేర్ ఫోరమ్‌లో ఆయన స్పష్టం చేశారు.  సంస్కరణల కారణంగా అనారోగ్యంతో బాధపడుతున్న పౌరుల సంఖ్యను మూడు సంవత్సరాలు తగ్గించడంలో మంత్రిత్వ శాఖ విజయం సాధించిందని అల్-జలాజెల్ తెలిపారు.