కువైట్: జాబర్ అల్-అహ్మద్‌లోని ప్రైవేట్ ఇళ్ల నుండి చట్టవిరుద్ధంగా నిర్వహిస్తున్న అనేక గ్రోసరీ స్టోర్లను క్యాపిటల్ గవర్నరేట్ సెక్యూరిటీ డైరెక్టరేట్ మూసివేయించిందని కువైట్ అంతర్గత వ్యవహారాల మంత్రిత్వ శాఖ ప్రకటించింది. అధికారుల దాడుల్లో లైసెన్స్ లేని ఆహార అమ్మకాలు, ఆన్-సైట్‌లో  ఆర్డర్ల స్వీకరణతోపాటు డెలివరీ సేవలు అందిస్తున్నట్లు గుర్తించారు.

ఈ సందర్భంగా లేబర్ మరియు రెసిడెన్సీ చట్టాలను ఉల్లంఘించిన పద్నాలుగు మంది వర్కర్లను అరెస్టు చేశారు. వారి వద్ద నుంచి లైసెన్స్ లేని ఏడు డెలివరీ మోటార్‌సైకిళ్లను సీజ్ చేశారు. సంబంధిత లైసెన్స్‌లు లేకుండా పనిచేయడం, పరిశుభ్రత మరియు చెల్లుబాటు అయ్యే ఆరోగ్య ధృవీకరణ పత్రాలు లేకుండా కార్మికులను నియమించడం వంటి ఉల్లంఘనలకు సంబంధించి 33 నోటీసులు జారీ చేశారు. ప్రజారోగ్యం మరియు భద్రతను కాపాడటానికి నిరంతరం తనిఖీలు కొనసాగుతాయని మంత్రిత్వ శాఖ ధృవీకరించింది.