న్యూ ఢిల్లీ: ఈ ఏడాది జూన్‌లో అఫ్గానిస్థాన్ జ‌ట్టు భార‌త్‌లో ప‌ర్య‌టించ‌నుంది. ఈ ప‌ర్య‌ట‌న‌లో ఆతిథ్య భార‌త్‌తో అఫ్గాన్ జ‌ట్టు ఓ టెస్టు, మూడు వ‌న్డేలు ఆడ‌నుంది. ఇందుకు సంబంధించిన షెడ్యూల్‌ను తాజాగా బీసీసీఐ విడుద‌ల చేసింది.

జూన్ 6 నుంచి ఏకైక టెస్టు మ్యాచ్ జ‌ర‌గ‌నుండ‌గా..జూన్ 14 నుంచి మూడు మ్యాచ్‌ల వ‌న్డే సిరీస్ ప్రారంభం కానుంది. న్యూ చండీగఢ్‌, ధ‌ర్మ‌శాల‌, ల‌క్నో, చెన్నై ల‌లో అఫ్గాన్ జ‌ట్టు ఆడ‌నుంది.

భార‌త దేశంలో అఫ్గానిస్థాన్ ప‌ర్య‌ట‌న షెడ్యూల్ ఇదే..

• ఏకైక టెస్టు మ్యాచ్ – జూన్ 6 నుంచి 10 వ‌ర‌కు న్యూ చండీగఢ్ వేదిక‌గా

వ‌న్డే సిరీస్ షెడ్యూల్..

• తొలి వ‌న్డే – జూన్ 14న (ధ‌ర్మ‌శాల‌)
• రెండో వ‌న్డే – జూన్ 17న (ల‌క్నో)
• మూడో వ‌న్డే – జూన్ 20న (చెన్నై)

వ‌న్డే మ్యాచ్‌లు అన్ని డే అండ్ మ్యాచ్‌లు. భార‌త కాల‌మానం ప్ర‌కారం మ‌ధ్యాహ్నం 1.30 గంట‌లకు ప్రారంభం కానున్నాయి.