బాలీవుడ్‌ ఇండస్ట్రీలో జరిగే వివాహాలపై హాలీవుడ్‌లో ఓ సినిమా రాబోతోంది. దీనికి '5 వెడ్డింగ్స్‌' అనే పేరు ఖరారు చేశారు. ఇందులో బాలీవుడ్‌ నటి నర్గిస్‌ ఫక్రి నటించనుంది. ఈ చిత్రానికి నమ్రతా సింగ్‌ గుజ్రాల్‌ దర్శకత్వం వహించనున్నారు. ఇందులో నర్గిస్‌ ప్రముఖ హాలీవుడ్‌ తారలు క్యాండీ క్లార్క్‌, డెరెక్‌లతో కలిసి నటించబోతోంది. బాలీవుడ్‌లో జరిగే వివాహాల గురించి కథనాలు రాయడానికి అమెరికా నుంచి వచ్చిన జర్నలిస్ట్‌గా నర్గిస్‌ఇందులో నటించనుంది. ఈ సినిమా గురించి నర్గిస్‌ మీడియాతోమాట్లాడుతూ.. ''ఈ సినిమాలోని పాత్రకూ నాకూ కనెక్షన్‌ కుదిరిందని ఈ అంతర్జాతీయ ప్రాజెక్ట్‌కి ఒప్పుకున్నా. నేను కూడా అమెరికన్‌నే కాబట్టి సులువుగా నటించగలలన్న నమ్మకం ఉంది. చిత్రీకరణ అమెరికా, ఇండియాలో జరుగుతుంది'' అని చెప్పుకొచ్చింది.
బాలీవుడ్‌లోనే కాదు... హాలీవుడ్‌లోనూ నటించి మంచి పేరు తెచ్చుకోవాలనుంది అంటున్న నర్గిస్‌... రెండింటినీ బ్యాలెన్స్‌ చేసుకోగలుగుతున్నానని చెప్పింది.