యూఏఈః యూఏఈ రెసిడెండ్ ఫ్యామిలీల కోసం దుబాయ్ మిరాకిల్ గార్డెన్  ఉచిత ప్రవేశ కార్యక్రమాన్ని పునర్ ప్రారంభించింది. ఈ సీజన్ ముగిసేలోపు సందర్శకులు ఈ ఆకర్షణను సందర్శించి ఆస్వాదించడానికి ఇది ఒక అవకాశాన్ని అందిస్తుందని నిర్వాహకులు ప్రకటించారు. మార్చి 31 వరకు ఈ ఆఫర్ అందుబాటులో ఉంటుందని తెలిపారు.  
సందర్శకులు ప్రతిరోజూ ఉదయం 9 గంటల నుండి రాత్రి 9 గంటల వరకు గార్డెన్ లోకి ప్రవేశించవచ్చు. ఉచిత ప్రవేశం కోసం ప్రత్యేకంగా కేటాయించిన గేట్ 3నుని ఉపయోగించాలని  సూచించారు.  12 సంవత్సరాలు మరియు అంతకంటే తక్కువ వయస్సు ఉన్న పిల్లలు ఈ సీజన్‌లో మిగిలిన కాలానికి ఉచిత ప్రవేశాన్ని పొందవచ్చు. ఇది నివాసితులు మరియు పర్యాటకులు ఇద్దరికీ వర్తిస్తుందని పేర్కొంది.  

వ్యక్తిగత నివాసితులు చెల్లుబాటు అయ్యే ఎమిరేట్స్ ఐడిని చూపించడం ద్వారా Dh52.50 (వ్యాట్‌తో సహా) ధర కలిగిన రాయితీ టిక్కెట్లను పొందవచ్చు. ఈ టిక్కెట్లు గేట్ 1 మరియు గేట్ 2 వద్ద అందుబాటులో ఉన్నాయి.