దోహా: మిడిలిస్టులో ఉద్రిక్తతలు తీవ్రమవుతున్న నేపథ్యంలో రక్షణ సహకారం, ప్రాంతీయ భద్రతపై ఖతార్, యూకే దేశాలు దోహాలో ఉన్నత స్థాయి చర్చలు జరిపాయి. ఖతార్ ప్రధాన మంత్రి మరియు విదేశాంగ మంత్రి షేక్ మహమ్మద్ బిన్ అబ్దుల్‌రహ్మాన్ అల్ థానీ దోహాలో యూకే రక్షణ కార్యదర్శి జాన్ హీలీని కలిశారు. 

ఈ సందర్భంగా ద్వైపాక్షిక సహకారం, ముఖ్యంగా రక్షణ రంగంలో సహకారంపై చర్చించారు. అలాగే అంతర్జాతీయ భద్రత, స్థిరత్వంపై విస్తృత ప్రభావంతో సహా ఇటీవలి ప్రాంతీయ పరిణామాలను కూడా సమీక్షించారు. వివాదాలను శాంతియుత మార్గాల ద్వారా పరిష్కరించుకోవాల్సిన ప్రాముఖ్యతను ఇరుపక్షాలు స్పష్టం చేశాయి.
ఖతార్ మరియు ఈ ప్రాంతంలోని దేశాలపై ఇరాన్ చేస్తున్న అన్యాయమైన దాడుల పట్ల షేక్ మహమ్మద్ హెచ్చరించారు. ముఖ్యంగా నీరు, ఆహారం మరియు ఇంధన సౌకర్యాల వంటి కీలక మౌలిక సదుపాయాలను బాధ్యతారహితంగా లక్ష్యంగా చేసుకోవడం పట్ల ఆయన ఆందోళన వ్యక్తం చేశారు.

ప్రపంచ ఇంధన భద్రత, నౌకాయాన స్వేచ్ఛ, పర్యావరణ భద్రత మరియు ప్రాంతీయ స్థిరత్వాన్ని నిర్ధారించడానికి ఇటువంటి ప్రయత్నాలే కీలకమని పేర్కొన్నారు. 
ఖతార్ అమీర్ షేక్ తమీమ్ బిన్ హమద్ అల్ థానీతో కూడా యూకే రక్షణ కార్యదర్శి సమావేశమయ్యారు. ద్వైపాక్షిక సంబంధాలు, ముఖ్యంగా రక్షణ రంగం, సైనిక సహకారాన్ని పెంపొందించే మార్గాలు, ఉమ్మడి భద్రతా సవాళ్లను ఎదుర్కోవడంపై చర్చించారని ఖతార్ ప్రధాన మంత్రి కార్యాలయం తెలియజేసింది.