తమిళనాడులోని కృష్ణగిరి జిల్లాలో చెన్నై-పళని ఎక్స్‌ప్రెస్‌ రైలు పట్టాలు తప్పింది. జిల్లాలోని దసంపట్టి ప్రాంతంలో రాత్రి సమయంలో రైలు ఇంజను, రెండు బోగీలు పట్టాలు తప్పాయి. అదృష్టవశాత్తు ప్రయాణికులంతా సురక్షితంగా ఉన్నారు. సంఘటనలో ఎవరూ గాయపడలేదని రైల్వే అధికారులు వెల్లడించారు. ఘటనపై విచారణకు ఆదేశించినట్లు చెప్పారు. ఈ సంఘటన కారణంగా దాదాపు మూడు గంటలపాటు ఆ మార్గంలో రైళ్లను నిలిపేసి తర్వాత తిరిగి ప్రారంభించారు. ప్రయాణికులను మరో రైలులో గమ్యస్థానాలకు పంపించారు.