కువైట్: ప్రస్తుతం నెలకొన్న అసాధారణ పరిస్థితుల నేపథ్యంలో వ్యాపార, కుటుంబ మరియు పర్యాటక వీసాలతో సహా అన్ని రకాల సందర్శన వీసాల గడువును మరో నెల రోజుల పాటు పొడిగిస్తున్నట్లు కువైట్ అంతర్గత వ్యవహారాల మంత్రిత్వ శాఖ ప్రకటించింది.

ప్రస్తుత పరిస్థితులు మరియు విమానాశ్రయం తాత్కాలికంగా మూసివేయబడటం కారణంగానే ఈ నిర్ణయం తీసుకున్నట్లు, మంత్రిత్వ శాఖలోని భద్రతా మీడియా డైరెక్టర్ కల్నల్ ఒత్మాన్ అల్-ఘరీబ్ తెలిపారు.

ఈ సమయంలో సందర్శకులు మరియు వారి స్పాన్సర్లు ఎటువంటి న్యాయపరమైన చిక్కులను ఎదుర్కోకుండా నిరోధించడమే లక్ష్యంగా.. మానవీయ కోణంలో ఈ చర్య తీసుకున్నట్లు ఆయన పేర్కొన్నారు.

వ్యక్తులు స్వయంగా 'రెసిడెన్స్ అఫైర్స్ డిపార్ట్‌మెంట్' ను సందర్శించాల్సిన అవసరం లేకుండానే, అన్ని సందర్శన వీసాలు ఆటోమెటిక్ గా రెన్యూవల్ అవుతాయని అల్-ఘరీబ్ తెలిపారు.