బహ్రెయిన్  లోని బ్రిటిష్ రాయబారి ఇయాన్ లిండ్సే, మానవహక్కు చట్టాల మరియు నిబంధనల విషయంలో బహ్రైన్ ముందంజలో ఉందని కొనియాడారు. ఆయన పదవీకాలం ముగిసిన సందర్భంగా మనామాలోనున్న బ్రిటిష్ రాయబార కార్యాలయంలో ఏర్పాటుచేసిన విలేకర్ల సమావేశంలో మాట్లాడుతూ, తెలివైన బహ్రెయిన్  నాయకత్వం, ఈ దిశగా సరైన చర్యలు తీసుకుంటోందని, ఈ ప్రాంతంలోనే మొదటిదైన అంబుడ్స్మన్ కార్యాలయం పనితీరును ఆయన మెచ్చుకున్నారు. ఇరుదేశాల మధ్య వేళ్ళునుకున్న దృఢ సంబంధాలు, ప్రాంతీయ, అంతర్జాతీయ విషయాలలో సహకార, సమన్వయాలు ఇలాగే కొనసాగాలని ఆయన ఆశించారు. గల్ఫ్  ప్రాంతంలోని రాజ్యాల ఆంతరంగిక వ్యవహారాలలో ఇరాన్ తలదూర్చడాన్ని నిరసిస్తూ, ఇటువంటి ముప్పులను ఎదుర్కోవడంలో తమదేశం ఎప్పుడు సహాయకంగా ఉంటుందని నొక్కిచెప్పారు.  

--యం.వాసుదేవ రావు(మాగల్ఫ్ ప్రతినిధి,బహ్రెయిన్)