దోహా: కతారాలోని ఖతారీ అసోసియేషన్ ఫర్ ఫైన్ ఆర్ట్స్ ప్రధాన కార్యాలయంలోని బిల్డింగ్ 13లో ఎలైట్ ఎగ్జిబిషన్ 2026ను కల్చరల్ విలేజ్ (కతారా) డైరెక్టర్ జనరల్ ప్రొఫెసర్ డాక్టర్ ఖాలిద్ బిన్ ఇబ్రహీం అల్-సులైతి అధికారికంగా ప్రారంభించారు.

ఇది సందర్శకుల కోసం ప్రముఖ ఖతారీ కళాకారుల కళాఖండాలను ఒకచోట చేర్చింది. ఈ సందర్భంగా విజిటర్స్, అతిథులు ప్రదర్శనలో ఉన్న కళాఖండాలను చూసి, వాటి ప్రత్యేకతల గురించి కళాకారులను అడిగి తెలుసుకున్నారు.

గ్రీన్, రెడ్ మరియు ఎల్లో కలర్స్ లో విలక్షణమైన రేఖాగణిత మోడల్స్ తో కూడిన అద్భుతమైన అబ్‌స్ట్రాక్ట్ పెయింటింగ్‌లు ఈ ప్రదర్శనలోని హైలెట్ గా నిలుస్తున్నాయి. ఇలాంటి అనేక ఖతారీ వారసత్వ కళాఖండాలు అందరినీ ఆకట్టుకుంటున్నాయి.  

డాక్టర్ అల్-సులైతి ఉన్నతాధికారులతో కలిసి ప్రదర్శనను తిలకించారు.  ఖతార్ ప్రధాన సాంస్కృతిక గమ్యస్థానంగా కతారా కల్చరల్ విలేజ్ తన స్థానాన్ని సుస్థిరం చేసుకుంటూనే ఉందని పేర్కొన్నారు. ఇది ఖతారీ అసోసియేషన్ ఫర్ ఫైన్ ఆర్ట్స్‌ కు ఒక శాశ్వత వేదికను అందిస్తోందని తెలిపారు.