కువైట్: కువైట్‌లోని పబ్లిక్ అథారిటీ ఫర్ మ్యాన్‌పవర్ కొన్ని నియంత్రిత రంగాలలో నియమించబడిన కార్మికులను ఇతర రంగాలకు బదిలీ చేయడానికి అనుమతించనున్నారు. ఇది నేటి నుండి అమల్లోకి వచ్చిందని జూన్ 30 వరకు బదిలీలకు అనుమతి ఉంటుందని ప్రకటించారు. 

ఈ ఉత్తర్వుల నుండి ప్రయోజనం పొందడానికి దరఖాస్తులను కంపెనీల కోసం కేటాయించిన “అస్ హాల్” సర్వీస్ ద్వారా సమర్పించాలని అధికార సంస్థ తెలిపింది. బదిలీ అభ్యర్థనలను అంగీకరించడానికి మరియు అవసరమైన ప్రక్రియలను పూర్తి చేయడానికి అసలు యజమాని నుండి ఆమోదం పొందడం తప్పనిసరి అని తెలిపింది.

ఈ ఉత్తర్వుల పరిధిలోకి వచ్చే రంగాలలో చిన్న మరియు మధ్య తరహా పరిశ్రమలు, పరిశ్రమ, వ్యవసాయం, పశుపోషణ మరియు మత్స్య పరిశ్రమ ఉన్నాయని ప్రకటించారు. మారుతున్న కార్మిక మార్కెట్ డిమాండ్లకు అనుగుణంగా యజమానులు మరియు కార్మికుల మధ్య సంబంధాన్ని నిర్ధారించడం లక్ష్యంగా తీసుకున్న ఒక నియంత్రణ చర్యగా ఈ ఉత్తర్వులను భావిస్తున్నారు.