దోహా: వినియోగదారుల హక్కులను పరిరక్షించడం లక్ష్యంగా ఖతార్ సివిల్ ఏవియేషన్ అథారిటీ (QCAA) విస్తృత తనిఖీలను చేపట్టింది. దేశంలోని ట్రావెల్ మరియు ఎయిర్ కార్గొ రవాణా రంగంలో అమలు చర్యలను ముమ్మరం చేసింది.  నిబంధనలు పాటించని నాలుగు ఏజెన్సీలను మూసివేసింది.  

QCAAలోని విమాన రవాణా విభాగం డైరెక్టర్ ఇస్సా అబ్దుల్లా అల్-మాలికి మాట్లాడుతూ.. సేవా నాణ్యతను మెరుగుపరచడం, నిబంధనలను అమలు చేయడం, ప్రయాణికులకు భద్రత కల్పించడం కోసం ఈ తనిఖీలు చేపట్టినట్టు ఆయన అన్నారు.  ఉల్లంఘనలు మరియు అవినీతి రహితమైన మరియు పారదర్శకమైన మార్కెట్ వాతావరణాన్ని సృష్టించడంతో పాటు ప్రయాణికుల హక్కులను పరిరక్షించడం అత్యంత ప్రాధాన్యతగా ఉందని అల్-మాలికి స్పష్టం చేశారు.      

వినియోగదారులకు మరింత రక్షణ కల్పించడానికి, QCAA తన అధికారిక వెబ్‌సైట్ ద్వారా ఫిర్యాదులను స్వీకరించే వ్యవస్థను ప్రారంభించినట్లు పేర్కొన్నారు. దీనివల్ల ప్రయాణికులు కార్యాలయాలకు వెళ్లాల్సిన అవసరం లేకుండానే ఎలక్ట్రానిక్‌గా ఫిర్యాదులు దాఖలు చేయవచ్చని అల్-మాలికి తెలిపారు.

అన్ని ట్రావెల్ మరియు కార్గో ఆపరేటర్లు ఏవైనా వ్యాపార కార్యకలాపాలు నిర్వహించే ముందు అవసరమైన లైసెన్సులను పొందాలని మరియు నిబంధనలను పూర్తిగా పాటించాలని అల్-మాలికి పిలుపునిచ్చారు.