రియాద్: 2026 మొదటి త్రైమాసికంలో సౌదీ అరేబియా స్థూల దేశీయ ఉత్పత్తి (GDP) గత ఏడాదితో పోలిస్తే 2.8% వృద్ధి చెందింది. అన్ని ప్రధాన ఆర్థిక రంగాలు మెరుగైన ఫలితాలను నమోదు చేయడంతో ఈ ఘనత సాధ్యమైందన్నారు. ఈ మేరకు జనరల్ అథారిటీ ఫర్ స్టాటిస్టిక్స్ (GASTAT) ప్రాథమిక అంచనాలను వెల్లడించింది.

ముఖ్యంగా ఇంధనేతర కార్యకలాపాలు 2.8% పెరుగుదలను నమోదు చేసి, మొత్తం ఆర్థిక వృద్ధికి ప్రధాన చోదక శక్తిగా నిలిచిందన్నారు. ఇదే సమయంలో, గత ఏడాది ఇదే కాలంతో పోలిస్తే చమురు సంబంధిత కార్యకలాపాలు 2.3% మరియు ప్రభుత్వ కార్యకలాపాలు 1.5% చొప్పున వృద్ధి చెందాయి.  

మొత్తం GDP వృద్ధిలో ఇంధనేతర రంగం 1.7 శాతం పాయింట్ల వాటాతో అగ్రస్థానంలో నిలిచింది. ఆ తర్వాతి స్థానాల్లో చమురు కార్యకలాపాలు 0.7 శాతం పాయింట్లు, ప్రభుత్వ కార్యకలాపాలు 0.3 శాతం పాయింట్లు, ఉత్పత్తులపై నికర పన్నులు 0.2 శాతం పాయింట్ల చొప్పున వృద్ధికి దోహదపడ్డాయి.

అయితే, త్రైమాసిక ప్రాతిపదికన చూస్తే.. 2026 మొదటి త్రైమాసికంలో కాలానుగుణంగా సర్దుబాటు చేసిన వాస్తవ GDP, అంతకు ముందు త్రైమాసికంతో పోలిస్తే 1.5% క్షీణించింది. ఈ క్షీణతకు ప్రధాన కారణం ఆయిల్ కార్యకలాపాల్లో వచ్చిన 7.2% కాంగ్రక్షన్ అని స్పష్టం చేశారు.  

ఈ త్రైమాసిక క్షీణతకు చమురు కార్యకలాపాలే ప్రధాన కారణం అని, GDP నుండి -1.7 శాతం పాయింట్ల మేర తగ్గించాయని తెలిపింది.  అయితే, ఇంధనేతర మరియు ప్రభుత్వ కార్యకలాపాలు ఒక్కోటి 0.1 శాతం పాయింట్ల చొప్పున వృద్ధికి దోహదపడి, మొత్తం క్షీణత ప్రభావాన్ని పాక్షికంగా తగ్గించాయని నివేదికలో పేర్కొన్నారు.