తెలంగాణ రాష్ట్రం ఏర్పడిన అనంతరం తొలిసారిగా ఇక్కడకు రావడం ఎంతో సంతోషంగా వుందని ప్రధాని నరేంద్రమోదీ అన్నారు. గజ్వేల్‌ మండలం కోమటిబండలో జరిగిన సభలో ఆయన ప్రసంగించారు. మొదట తెలుగులో మాట్లాడుతూ తెలంగాణకు రావడం ఎంతో సంతోషంగా వుందన్నారు.* తెలంగాణ ప్రజల ఆశయాలు, ఆకాంక్షలు నెరవేర్చేందుకు తెలంగాణ ప్రభుత్వం కృషి చేస్తుంది. * సమాఖ్య వ్యవస్థలో భాగంగా కేంద్రం, రాష్ట్ర ప్రభుత్వం కలిసి పనిచేస్తాయి. * నీరు, విద్యుత్‌, రహదారులు... తదితర సౌకర్యాలపై ప్రభుత్వం దృష్టి సారించడం అభినందనీయం. * దేశంలో కొత్త రాష్ట్రమైన తెలంగాణ అన్ని రంగాల్లో అభివృద్ధి చెందాలి. * దేశంలోనే అత్యంత పిన్న వయసున్న రాష్ట్రం తెలంగాణ.. ప్రజల ఆకాంక్షలకు అనుగుణంగా ముందడుగు వేస్తోంది.