మనామా: ప్రముఖ బహ్రెయిన్ గాయనిని అభ్యంతరకరమైన స్నాప్‌చాట్ పోస్టుల ద్వారా వేధించినందుకు ఒక కవిని దోషిగా నిర్ధారిస్తూ ఇచ్చిన తీర్పును బహ్రెయిన్ కోర్ట్ ఆఫ్ కాసేషన్ సమర్థించింది.  2024లో గాయని స్నాప్‌చాట్ ఖాతాలో అవమానకరమైన, కించపరిచే వ్యాఖ్యలను ప్రచురించడం ద్వారా నిందితుడు ఉద్దేశపూర్వకంగా ఆమెకు మనోవేదన కలిగించాడని కోర్టు నిర్ధారించింది.

గాయని ఫిర్యాదు మేరకు కమ్యూనికేషన్ పరికరాలను దుర్వినియోగం చేశాడన్న ఆరోపణలపై పబ్లిక్ ప్రాసిక్యూషన్ నిందితుడిపై అభియోగాలు మోపింది. దిగువ కోర్టు మొదట నిందితుడిని నిర్దోషిగా విడుదల చేసి, సంబంధిత సివిల్ కేసును కొట్టివేసింది. అయితే, ఆ తర్వాత హై క్రిమినల్ కోర్ట్ ఆఫ్ అప్పీల్ ఆ తీర్పును రద్దు చేసి, నిందితుడికి ఆరు నెలల జైలు శిక్ష విధించింది. ఇరు పక్షాల మధ్య వృత్తిపరమైన సంబంధం దెబ్బతిన్న తర్వాత, స్నాప్‌చాట్ పోస్టులను ప్రచురించినట్లు కోర్ట తన తీర్పులో వెల్లడించింది.