యూఏఈ: వీసా-ఆన్-అరైవల్ నిబంధనల్లో యూఏఈ మార్పులు చేసింది. ఫెడరల్ అథారిటీ ఫర్ ఐడెంటిటీ, సిటిజన్‌షిప్, కస్టమ్స్ అండ్ పోర్ట్ సెక్యూరిటీ (ICP), ఎంపిక చేసిన దేశాల పౌరుల కోసం  ప్రవేశ వీసాల  ప్రమాణాలను విస్తరించింది. ఇవి 14-రోజుల మరియు 60-రోజుల వీసా కేటగిరీలు రెండింటికీ వర్తిస్తుంది.  

కొత్త మార్పుల ప్రకారం, ఆరు కొత్త దేశాల పౌరులు అర్హుల జాబితాలో చేరారు. వీరిలో ఇండోనేషియా, వియత్నాం, థాయ్‌లాండ్, ఫిలిప్పీన్స్, కెన్యా మరియు దక్షిణాఫ్రికా ఉన్నాయి. గతంలో, ఈ వీసాకు కేవలం భారతీయ పౌరులు మాత్రమే అర్హులుగా ఉన్నారు. అదే సమయంలో దేశాల జాబితాను కూడా విస్తరించారు. కొత్తగా  సింగపూర్, జపాన్, దక్షిణ కొరియా, ఆస్ట్రేలియా, న్యూజిలాండ్ మరియు కెనడాలను ఈ జాబితాలో చేర్చారు.  ఇంతకుముందు ఇందులో యూఎస్, ఈయూ సభ్య దేశాలు మరియు యూకేలు మాత్రమే ఉన్నాయి.  

ఎవరు అర్హులు?
కొత్త వీసాకు అర్హత పొందాలంటే, దరఖాస్తుదారులు మరియు వారితో పాటు వచ్చే కుటుంబ సభ్యులు రెండు ముఖ్యమైన షరతులను తప్పనిసరిగా పాటించాలి:
వారు అర్హత గల దేశాలైన భారత్, ఇండోనేషియా, వియత్నాం, థాయ్‌లాండ్, ఫిలిప్పీన్స్, కెన్యా లేదా దక్షిణాఫ్రికా జాతీయులై ఉండాలి. అలాగే, యూఎస్, ఈయూ, యూకే, సింగపూర్, జపాన్, దక్షిణ కొరియా, ఆస్ట్రేలియా, న్యూజిలాండ్ లేదా కెనడాలో ఏదైనా ఒక దేశం జారీ చేసిన చెల్లుబాటు అయ్యే నివాస అనుమతిని కలిగి ఉండాలి.
దరఖాస్తుదారు ఎంచుకున్న వీసా కేటగిరీని బట్టి, అనుమతించబడిన నివాస కాలం 14 రోజులు లేదా 60 రోజులు ఉంటుంది.

వీసా పొడిగింపు మరియు రుసుములు
యూఏఈలో వీసాదారు ఉండే చేసే సమయంలో 14 రోజుల వీసాను ఒకసారి పొడిగించుకోవచ్చని ఐసీపీ స్పష్టం చేసింది. అయితే, 60 రోజుల వీసా ఒకేసారి ప్రవేశానికి మాత్రమే చెల్లుబాటు అయ్యేదిగా, పొడిగించుకోవడానికి వీలులేని వీసాగా జారీ చేస్తారు.
వీసాదారులు తమకు అనుమతించబడిన గడువు ముగియక ముందే దేశం విడిచి వెళ్లేలా చూసుకోవాలి. ఈ నియమాన్ని ఉల్లంఘించిన వారికి, రోజుకు 50 దిర్హమ్‌ల చొప్పున అదనపు నివాస జరిమానా విధించబడుతుంది.
14 రోజుల వీసా రుసుము 100 దిర్హమ్‌లుగా, కాగా 60 రోజుల వీసా రుసుము 250 దిర్హమ్‌లుగా నిర్ణయించారు.

ప్రపంచ సంబంధాలు బలోపేతం  
స్నేహపూర్వక దేశాలతో ద్వైపాక్షిక సంబంధాలను బలోపేతం చేయడానికి మరియు శాశ్వత మానవతా, ఆర్థిక, సాంస్కృతిక భాగస్వామ్యాలను పెంపొందించడానికి యూఏఈ వీసా అర్హతను విస్తరించిందని విదేశాంగ మంత్రిత్వ శాఖ పేర్కొంది.
ఆయా దేశాల పౌరులకు యూఏఈ గొప్ప సాంస్కృతిక వారసత్వం, చైతన్యవంతమైన ఆర్థిక వ్యవస్థ మరియు ప్రపంచవ్యాప్తంగా గుర్తింపు పొందిన మౌలిక సదుపాయాలను అనుభవించడానికి విస్తృత అవకాశాలను కల్పిస్తుంది. వ్యక్తుల రాకపోకలను సులభతరం చేయడానికి మరియు ప్రతిభావంతులు, నైపుణ్యం కలిగిన నిపుణుల కోసం యూఏఈని ఒక ప్రముఖ ప్రపంచ గమ్యస్థానంగా బలోపేతం చేయడానికి ఇది దోహదం చేస్తుందని మంత్రిత్వ శాఖ తెలిపింది.