కృష్ణా పుష్కరాల సందర్భంగా వచ్చే యాత్రికుల నుంచి అధిక ఛార్జీలు వసూలు చేసే ప్రైవేటు ట్రావెల్స్‌పై చర్యలు తప్పవని ఏపీ రవాణా శాఖామంత్రి శిద్దా రాఘవరావు హెచ్చరించారు. ట్రావెల్స్‌ దోపిడీని నివారించేలా దాడులు చేపట్టాలని రవాణాశాఖ అధికారులను ఆదేశించినట్లు ఆయన తెలిపారు. ఈ నెల 19, 20 తేదీల్లో రోడ్డు భద్రతపై విశాఖలో జాతీయస్థాయి సదస్సు నిర్వహించనున్నట్లు వెల్లడించారు. ఈ సదస్సుకు సంబంధించిన గోడపత్రికను ఆయన ఆవిష్కరించారు. రోడ్డు భద్రతకు రాష్ట్ర ప్రభుత్వం అధిక ప్రాధాన్యమిస్తోందని ఈ సందర్భంగా ఆయన అన్నారు.