ఐఎఆర్‌టిసిఓ, 'విమెన్‌ ఎంపవర్‌మెంట్‌ త్రూ ఆర్ట్‌' అనే థీమ్‌తో ఆర్ట్‌ ఎగ్జిబిషన్‌ని ప్రత్యేకంగా మహిళల కోసం ఏర్పాటు చేస్తున్నారు. ఈ ఈవెంట్‌ నవంబర్‌లో జరగనుంది. ఇండియన్‌ ఎంబసీ టు కువైట్‌ అలాగే నేషనల్‌ కౌన్సిల్‌ ఆఫ్‌ ఆర్ట్‌ అండ్‌ కల్చర్‌ అండ్‌ లెటర్స్‌ సహకారంతో ఈ ఈవెంట్‌ని నిర్వహించనున్నారు. సమాజంలో స్త్రీ పాత్ర చాలా గొప్పదనీ, వారిలోని కళాత్మక కోణాన్ని బయటకు తీసేందుకే తమ ప్రయత్నమని నిర్వాహకులు తెలిపారు. 18 ఆ పైన వయసున్న కువైట్‌లోని భారతీయ మహిళలు ఈ ఈవెంట్‌లో పాల్గొనవచ్చు. ఒక్కొక్కరూ రెండు పెయింటింగ్స్‌ని సమర్పించడానికి వీలుంటుంది. ఇండియన్‌ ఎంబసీ సెకెండ్‌ సెక్రెటరీ ఎకె శ్రీవాస్తవ, ఈ ఈవెంట్‌ వివరాల్ని మీడియాకి వెల్లడించిన సమయంలో ప్రత్యక్షంగా ప్రెస్‌మీట్‌లో పాల్గొన్నారు.