రియాద్‌: 2026 తొలి ఆరు నెలల్లో ఆన్‌లైన్‌లో తీవ్రవాద భావజాలాన్ని ప్రచారం చేస్తున్న 1,275 ఛానళ్లను మూసివేసి, 34.29 మిలియన్ల తీవ్రవాద కంటెంట్‌ను తొలగించినట్లు గ్లోబల్ సెంటర్ ఫర్ కాంబాటింగ్ ఎక్స్‌ట్రీమిస్ట్ ఐడియాలజీ (Etidal) వెల్లడించింది. డిజిటల్‌ వేదికల్లో తీవ్రవాద ప్రచారాన్ని అడ్డుకునేందుకు Etidal, Telegram సంస్థలు సంయుక్తంగా చేపట్టిన చర్యల్లో భాగంగా ఈ తొలగింపులు జరిగినట్లు తెలిపాయి.

Etidal, Telegram మధ్య 2022, ఫిబ్రవరిలో సహకారం ప్రారంభమైనప్పటి నుంచి ఈ ఏడాది జూన్ 30 వరకు మొత్తం 292.6 మిలియన్ల తీవ్రవాద కంటెంట్‌ను తొలగించినట్లు వెల్లడించింది. ఇదే కాలంలో తీవ్రవాద ప్రచారానికి ఉపయోగించిన 20,360 ఛానళ్లను మూసివేశారు. డిజిటల్‌ స్పేస్‌లో తీవ్రవాద ప్రచారం, భావజాల వ్యాప్తిని అడ్డుకోవడంలో Etidal, Telegram మధ్య కొనసాగుతున్న సహకారం కీలకంగా మారిందని సంస్థ పేర్కొంది. ఈ సంయుక్త చర్యలు ఆన్‌లైన్‌లో తీవ్రవాద కంటెంట్‌ వ్యాప్తిని పరిమితం చేయడంతో పాటు మరింత సురక్షితమైన డిజిటల్‌ వాతావరణం ఏర్పడేందుకు దోహదపడుతున్నాయని తెలిపింది.