నగరంలో శనివారం ఉదయం తిరంగా రన్‌ అట్టహాసంగా జరిగింది. ఎల్బీస్టేడియం నుంచి ఎన్టీఆర్‌ గార్డెన్‌ వరకు రన్‌ కొనసాగింది. కేంద్ర కార్మికశాఖ మంత్రి బండారు దత్తాత్రేయ తిరంగారన్‌ ప్రారంభించారు. సామాజిక, క్రీడాభివృద్ధి ఫోరం ఆధ్వర్యంలో కార్యక్రమం కొనసాగింది. పలువురు జవాన్లతో పాటు క్రీడాకారులు ఉత్సాహంగా పాల్గొన్నారు. 70ఏళ్ల స్వాతంత్య్రం, అమరవీరుల త్యాగఫలం అనే నినాదంతో రన్‌ సాగింది. కార్యక్రమంలో భాజపా ఎమ్మెల్యేలు కిషన్‌రెడ్డి, చింతల రామచంద్రారెడ్డి తదితరులు పాల్గొన్నారు.