సౌదీలో వాహనాల నంబర్ ప్లేట్లపై కీలక హెచ్చరిక..!!
- September 28, 2026
రియాద్: వాహనం నంబర్ ప్లేట్ దెబ్బతిన్నా, స్పష్టంగా కనిపించకపోయినా లేదా ఉద్దేశపూర్వకంగా కప్పివేసినా సౌదీ అరేబియాలో భారీ జరిమానా విధించనున్నట్లు జనరల్ డైరెక్టరేట్ ఆఫ్ ట్రాఫిక్ వెల్లడించింది. వాహనం నంబర్ ప్లేట్పై ఉన్న వివరాలు చదవడానికి వీలులేని విధంగా ఉండటం, లేదా వాహన రిజిస్ట్రేషన్ కార్డు (ఇస్తిమారా)లోని వివరాలతో సరిపోలకపోవడం కూడా నిబంధనల ఉల్లంఘన కిందకు వస్తుంది. ఇలాంటి ఉల్లంఘనలకు SR1,000 నుంచి SR2,000 వరకు జరిమానా విధిస్తారు.
దెబ్బతిన్న నంబర్ ప్లేట్లను అధికారిక ప్లాట్ఫారమ్ల ద్వారా మార్చుకునే సదుపాయం ఉందని ట్రాఫిక్ డైరెక్టరేట్ తెలిపింది. వాహనదారులు ఈ సదుపాయాన్ని ఉపయోగించుకోవడం ద్వారా జరిమానాలను నివారించవచ్చని పేర్కొంది. సౌదీ ట్రాఫిక్ చట్టం ప్రకారం వెనుక నంబర్ ప్లేట్ లేకుండా లేదా అసలు ఎలాంటి నంబర్ ప్లేట్లు లేకుండా వాహనం నడపడం కూడా ట్రాఫిక్ ఉల్లంఘన కిందకు వస్తుంది. ఈ నిబంధన ఉల్లంఘిస్తే కనీసం SR3,000 నుంచి గరిష్ఠంగా SR6,000 వరకు జరిమానా విధిస్తారు.
ఉల్లంఘనను సరిదిద్దే వరకు వాహనాన్ని సీజ్ చేసే అవకాశం కూడా ఉంటుంది.
ఇతర వాహనానికి చెందిన నంబర్ ప్లేట్ను ఉపయోగించడం మరింత తీవ్రమైన ఉల్లంఘనగా పరిగణిస్తారు. దీనికి గరిష్ఠంగా SR10,000 వరకు జరిమానా విధించవచ్చు.
తాజా వార్తలు
- కువైట్లో ఆహార భద్రత తనిఖీలు..!!
- యూఏఈలో ఫైర్ వర్క్స్, డ్రోన్ షోలు, సైనిక పరేడ్లతో సందడి..!!
- బంగాళాఖాతంలో భీకర తుపాను.. ఏపీ తీర ప్రాంతాలకు హై అలర్ట్..
- విదేశాల్లో చదివే విద్యార్థులకు గుడ్ న్యూస్!!
- రియాద్ ఫైనాన్షియల్ డిస్ట్రిక్ట్లో హౌతీ మిలిటెంట్ల దాడి..
- పేదరికం పై భారత్ విజయం: ప్రధాని మోదీ
- దుబాయ్లో ఇక్షాన గోల్డ్ అండ్ డైమండ్స్లో అదిరిపోయే ఆఫర్లు..
- హైదరాబాద్లో ‘నషా ముక్త్ భారత్ యాత్ర’..
- యూఏఈ సముద్ర తీరాల్లో అద్భుత దృశ్యం..!!
- కువైట్లో ట్రాఫిక్ సమస్యకు చెక్..!!







