హార్ముజ్ జలసంధిలో రెండు చమురు ట్యాంకర్లపై దాడి..!!
- October 03, 2026
తెహ్రాన్: హార్ముజ్ జలసంధి ప్రాంతంలో రెండు చమురు ట్యాంకర్లపై ‘గుర్తుతెలియని ప్రాజెక్టైల్స్’దాడి చేసినట్లు బ్రిటన్కు చెందిన యూకే మారిటైమ్ ట్రేడ్ ఆపరేషన్స్ (UKMTO) వెల్లడించింది. దీంతో ఈ కీలక జలమార్గంలో నౌకల రాకపోకలపై మరోసారి ఆందోళనలు వ్యక్తమవుతున్నాయి. ప్రస్తుతం కొనసాగుతున్న ఘర్షణలో హార్ముజ్ జలసంధి కీలక ప్రాంతంగా మారింది. వాణిజ్య నౌకల రాకపోకలను ఇరాన్ అడ్డుకుంటోందని, అనుమతి లేకుండా జలసంధిని దాటేందుకు ప్రయత్నిస్తున్నాయని భావించిన నౌకలపై కాల్పులు జరుపుతోందని సమాచారం. ఇరాన్ నుంచి చమురు ఎగుమతులను అడ్డుకునేందుకు అమెరికా కూడా ఇరాన్ నౌకాశ్రయాలపై ప్రతిఘటన చర్యలు చేపట్టినట్లు పేర్కొంది.
తొలి ట్యాంకర్పై దాడి
తొలి దాడిలో ట్యాంకర్లో చిన్నపాటి మంటలు చెలరేగడంతో పాటు విద్యుత్ సరఫరా నిలిచిపోయింది. అయితే కొద్దిసేపటి తర్వాత మంటలను అదుపులోకి తీసుకున్నట్లు UKMTO తెలిపింది. కాగా ఘటనలో ఎవరూ గాయపడలేదని, పర్యావరణానికి ఎలాంటి నష్టం జరగలేదని అధికారులు వెల్లడించారు. హార్ముజ్ జలసంధి నుంచి బయటకు వెళ్తున్న ఆ నౌక తిరిగి తన ప్రయాణాన్ని కొనసాగించిందని తెలిపారు. అయితే నౌక ఎక్కడి నుంచి బయలుదేరింది, ఎక్కడికి వెళ్తోంది అనే వివరాలను వెల్లడించలేదు.
మరో ట్యాంకర్పైనా దాడి
కొన్ని గంటల తర్వాత ఒమన్కు తూర్పున మరో క్రూడ్ ఆయిల్ ట్యాంకర్పై ‘తెలియని ప్రాజెక్టైల్’ తాకినట్లు సమాచారం అందింది. నౌకలోని సిబ్బంది అంతా సురక్షితంగా ఉన్నారని, పర్యావరణానికి ఎలాంటి నష్టం జరగలేదని UKMTO తెలిపింది. ఈ రెండు ఘటనలపై సంబంధిత అధికారులు దర్యాప్తు చేపట్టినట్లు బ్రిటిష్ మారిటైమ్ ఏజెన్సీ వెల్లడించింది.
తాజా వార్తలు
- బంగాళాఖాతంలో భీకర తుపాను.. ఏపీ తీర ప్రాంతాలకు హై అలర్ట్..
- విదేశాల్లో చదివే విద్యార్థులకు గుడ్ న్యూస్!!
- రియాద్ ఫైనాన్షియల్ డిస్ట్రిక్ట్లో హౌతీ మిలిటెంట్ల దాడి..
- పేదరికం పై భారత్ విజయం: ప్రధాని మోదీ
- దుబాయ్లో ఇక్షాన గోల్డ్ అండ్ డైమండ్స్లో అదిరిపోయే ఆఫర్లు..
- హైదరాబాద్లో ‘నషా ముక్త్ భారత్ యాత్ర’..
- యూఏఈ సముద్ర తీరాల్లో అద్భుత దృశ్యం..!!
- కువైట్లో ట్రాఫిక్ సమస్యకు చెక్..!!
- ఒమన్ లో 344 మంది ఖైదీలకు సుల్తాన్ క్షమాభిక్ష..!!
- బహ్రెయిన్లో నవంబర్ 24 నుంచి సిటీ స్కేప్ 2026..!!







