కువైట్: కువైట్ లో డిజిటల్ చెల్లింపుల వినియోగం భారీగా పెరుగుతోంది. 2026 జనవరి నుంచి ఆగస్టు వరకు కువైట్‌లోని పాయింట్ ఆఫ్ సేల్ (POS) టెర్మినల్స్ ద్వారా KD 10.15 బిలియన్లకు పైగా లావాదేవీలు నమోదయ్యాయి. గణాంకాల ప్రకారం.. ఈ ఎనిమిది నెలల్లో సుమారు 543.57 మిలియన్ కొనుగోలు లావాదేవీలు జరిగాయి. దేశవ్యాప్తంగా దాదాపు 110,458 POS పరికరాలు ఈ చెల్లింపులను ప్రాసెస్ చేశాయి. రోజువారీ సగటున సుమారు KD 41.78 మిలియన్ల విలువైన చెల్లింపులు, అలాగే 2.24 మిలియన్ల లావాదేవీలు నమోదయ్యాయి.

ఒక్కో POS లావాదేవీ సగటు విలువ సుమారు KD 18.67గా ఉంది. ఎనిమిది నెలల కాలంలో ఒక్కో POS టెర్మినల్ సగటున 4,900కు పైగా లావాదేవీలను ప్రాసెస్ చేసింది. అంటే రోజుకు 20కి పైగా లావాదేవీలు జరిగినట్లు గణాంకాలు వెల్లడిస్తున్నాయి. ఇక POS నెట్‌వర్క్ ద్వారా నెలకు సగటున సుమారు KD 1.27 బిలియన్ల చెల్లింపులు జరిగాయి. రిటైల్, సేవల రంగాల్లో ఎలక్ట్రానిక్ చెల్లింపుల వినియోగం కువైట్‌లో ఎంత విస్తృతంగా పెరిగిందో ఈ గణాంకాలు స్పష్టం చేస్తున్నాయి.