షార్జ: జన్మనిచ్చిన తల్లితండ్రులకు కనికరం లేకపోయినా...పసిబిడ్డ దైన్యస్థితికి జాలిపడ్డ వైద్యులు తమ శస్త్రచికిత్సతో ఆ పసికూనకు పునర్జన్మను ఇచ్చి వైద్యవృత్తికే వన్నె తెచ్చారా డాక్టర్లు.... పుట్టుకతోనే లోపం ఉన్న ఒక మగ శిశువుని దయలేని ఎవరో తల్లితండ్రులు  షార్జా ప్రాంతంలో పబ్లిక్ రహదారిపై నిర్ధాక్షిణ్యంగా వదలివేసి వెళ్లిపోయారు. ఆ బాబుని  అల్ ఖ్అసిమి హాస్పిటల్లో చేర్పించగా శస్త్రచికిత్స అనంతరం  అక్కడ కోలుకొంటూ స్థిరమైన ఆరోగ్య స్థితిలో ఉన్నాడని ఆస్పత్రివర్గాలు పేర్కొంటున్నాయి .
ఈ నెల ఆగస్టు 10 వ తేదీన మూవెఇలాహ్  ప్రాంతంలో ఆ  పసికందుని  ఒక పబ్లిక్ రహదారిని పేవ్మెంట్ పక్కన వదిలివెళ్ళినట్లుగా కనుగొనబడింది. కడుపులోని ప్రేగులు తదితర  అవయవాలు వెలుపల ఉన్న స్థితిలో పుట్టుకతోనే లోపంతో జన్మించిన ఈ  శిశువుకు వైద్యులు  విజయవంతంగా శస్త్రచికిత్స చేసినట్లు ప్రకటించారు. ఈ స్థితిలో దొరికిన ఈ శిశువుకు  ఒక విజయవంతమైన ఒక శస్త్రచికిత్స జరిపారు. ప్రస్తుతం శిశువు యొక్క పరిస్థితి నిలకడగా ఉందని  ఆసుపత్రిలో వైద్యులు పేర్కొన్నారు. ఆ బిడ్డ  అనారోగ్యం కాస్త  మెరుగుపడిన  తరువాత షార్జాలోని  పిల్లల రక్షణ కమిటీకి ఆ చిన్నారిని స్వాధీనం చేస్తామని వారు తెలిపారు.