విభజనచట్టంలో ఇచ్చిన హామీలన్నీ నెరవేర్చాలని సీఎం చంద్రబాబు కేంద్రాన్ని కోరారు. రాష్ట్ర ప్రయోజనాల కోసమే కేంద్రంతో కలిసి పనిచేస్తున్నామని ఆయన చెప్పారు. ఎన్నికల ప్రచారంలో ఏపీకి అనేక హామీలిచ్చామని, హామీలను నెరవేర్చాల్సి ఉందని ప్రధాని మోదీకి చెప్పామని పేర్కొన్నారు. అన్ని మున్సిపాలిటీల్లో ఎల్‌ఈడీ వీధి బల్బులు ఏర్పాటు చేస్తామని, ఎల్‌ఈడీ బల్బులను అమరావతి నుంచి ఆన్‌ ఆఫ్‌ చేసుకోవచ్చని బాబు అన్నారు. త్వరలో రాష్ట్రవ్యాప్తంగా ఫైబర్‌గ్రిడ్‌ టీవీలు ఉన్నవారికి 100 చానెళ్లు ఉచితంగా ఇస్తామని ఆయన హామీ ఇచ్చారు. కేవలం రూ.100తో ఇంటర్నెట్‌ సౌకర్యం కల్పిస్తామని చంద్రబాబు చెప్పారు.