సుల్తాన్ హైతమ్‌కు రాష్ట్రపతి ద్రౌపది ముర్ము శుభాకాంక్షలు..!!

- November 21, 2026 , by Maagulf
సుల్తాన్ హైతమ్‌కు రాష్ట్రపతి ద్రౌపది ముర్ము శుభాకాంక్షలు..!!

న్యూఢిల్లీ: ఒమన్ 56వ జాతీయ దినోత్సవం సందర్భంగా ఆ దేశ సుల్తాన్ హైతమ్ బిన్ తారిక్‌కు, ఒమన్ ప్రజలకు భారత రాష్ట్రపతి ద్రౌపది ముర్ము హృదయపూర్వక శుభాకాంక్షలు తెలియజేశారు. ఈ సందర్భంగా పంపిన సందేశంలో సుల్తాన్ హైతమ్ దూరదృష్టితో కూడిన నాయకత్వంలో ఒమన్ సాధిస్తున్న ప్రగతిని, విజయాలను రాష్ట్రపతి ప్రశంసించారు.

భారత్, ఒమన్ దేశాల మధ్య శతాబ్దాల నాటి స్నేహ సంబంధాలు ఉన్నాయని ఆమె పేర్కొన్నారు. పురాతన సముద్ర వాణిజ్య సంబంధాల నుంచి ప్రారంభమైన ఈ బంధం ప్రస్తుతం పరస్పర విశ్వాసం, గౌరవం, ఆర్థిక సహకారం, సాంస్కృతిక అనుబంధంతో కూడిన వ్యూహాత్మక భాగస్వామ్యంగా బలోపేతమైందని తెలిపారు.

రెండు దేశాలకు శాంతియుత సహజీవనం, ఉమ్మడి అభివృద్ధి, శ్రేయస్సుపై ఒకే దృక్పథం ఉందని పేర్కొన్నారు. సుల్తాన్ హైతమ్ బిన్ తారిక్ ఆయురారోగ్యాలతో ఉండాలని, ఒమన్ స్నేహపూర్వక ప్రజలు మరింత అభివృద్ధి, సుఖసంతోషాలతో ముందుకు సాగాలని రాష్ట్రపతి ద్రౌపది ముర్ము ఆకాంక్షించారు.

Click/tap here to subscribe to MAAGULF news alerts on Telegram

తాజా వార్తలు

- మరిన్ని వార్తలు

Copyrights 2015 | MaaGulf.com