ప్రపంచ ప్రఖ్యాత పర్యాటక కేంద్రం రామోజీ ఫిల్మ్‌సిటీలో ఈనెల 24 నుంచి ఇండీవుడ్‌ ఫిల్మ్‌ కార్నివాల్‌ జరగనుంది. కార్నివాల్‌ వివరాలను సచివాలయంలో తెలంగాణ రాష్ట్ర సినిమాటోగ్రఫీ మంత్రి తలసాని శ్రీనివాస్‌ యాదవ్‌ వెల్లడించారు. కార్నివాల్‌లో 20వేల మంది అతిథులు పాల్గొంటారని, 200 చిత్రాలు, వెయ్యి లఘుచిత్రాలు ప్రదర్శిస్తారని తెలిపారు. రాష్ట్ర చలనచిత్ర పరిశ్రమకు ఇది ఎంతగానో ఉపకరిస్తుందన్నారు. 50 నుంచి 100 ఎకరాల్లో ఫిల్మ్‌ ఇనిస్టిట్యూట్‌ ఏర్పాటుకు ప్రయత్నాలు చేస్తున్నట్లు మంత్రి తెలిపారు. కార్నివాల్‌లో ప్రపంచ వ్యాప్తంగా సినీ ప్రముఖులు పాల్గొంటారని ఏరిస్‌ కంపెనీ సీఈవో సోహన్‌రాయ్‌ తెలిపారు.అతిపెద్ద భారత చలనచిత్ర పరిశ్రమను మరింత అభివృద్ధి చేసేందుకే ఈ కార్నివాల్‌ నిర్వహిస్తున్నట్లు పేర్కొన్నారు.