అందాల నటి తాప్సీ పొన్ను ను ఓ సైకో ఫ్యాన్ మరీ వేధించాడట.. ఆమె ఎక్కడికి వెళ్తే అక్కడికి వెళ్తూ.. ఆమె షూటింగ్ స్పాట్ లవద్దకు చేరుకొని ఆమెను నానా రకాలుగా ఇబ్బంది పెడుతూ వచ్చాడని తెలిసింది. కొన్ని సందర్భాల్లో సెక్యూరిటీని కూడా లెక్క చేయకుండా తాప్సీ కి మరింత సన్నిహితంగా మెలిగేందుకు ప్రయత్నించాడట.
ఇతని అభిమానం మరీ వెర్రి తలలు వేస్తుండడాన్ని భరించలేకపోయానని, అయితే ఎలాంటి హానీ తలపెట్టలేదని, అందుకే తను పోలీసులకు అతనిపై ఫిర్యాదు చేయలేదని తాప్సీ తెలిపింది. తన షూటింగ్ వివరాలు ఆ వీరాభిమానికి ఎలా తెలుస్తున్నాయో అని ఆశ్చర్యపోయింది ఈ అమ్మడు. ఏమైనా ఇలాంటి వీరాభిమానులపట్ల సెలబ్రిటీలు జాగ్రత్తగా ఉండాలని తాప్సీ కోరుతోంది.