మినా: జీవితంలో ఒక్కసారి వచ్చే అత్యద్భుతమైన అవకాశంగా హజ్‌ యాత్రను ముస్లిం సోదరులు భావిస్తారు. 164 దేశాల నుంచి పెద్ద సంఖ్యలో హజ్‌ ప్రార్థనల కోసం వచ్చేవారికి సరైన ఏర్పాట్లు చేయడం, అలాగే వారి రక్షణ కోసం శ్రమించడం ఇలా ఈసారి 2016 హజ్‌ యాత్ర విజయవంతం అవుతుండడం పట్ల క్రౌన్‌ ప్రిన్స్‌ మొహమ్మద్‌ బిన్‌ నయిఫ్‌ హర్షం వ్యక్తం చేశారు. సెక్యూరిటీ ఫోర్సెస్‌, మిలిటరీ యాత్రీకుల భద్రత కోసం పడ్డ శ్రమను కొనియాడారు క్రౌన్‌ ప్రిన్స్‌. మినాలోని కంట్రోల్‌ సెంటర్‌ని సందర్శించిన క్రౌన్‌ ప్రిన్స్‌, సెక్యూరిటీ ఫోర్సెస్‌ శ్రమను కొనియాడారు. హైటెక్‌ సిసిటివిలకు సంబంధించిన ఇపార్ట్‌మెంట్‌, ట్రాఫిక్స్‌ ఆపరేషన్స్‌ మరియు సెక్యూరిటీ డిటెయిల్స్‌ డిపార్ట్‌మెంట్స్‌ని ఆయన సందర్శించారు. యాత్రీకులు బుధవారం ఉదయాన్నే లేచి, ఒక్కొక్కరు ఏడేసి చొప్పున రాళ్ళను డెవిల్‌గా పిలవబడే కాంక్రీట్‌ స్ట్రక్చర్స్‌పైకి వాటిని విసిరే కార్యక్రమాన్ని పూర్తి చేశారు. అన్ని కార్యక్రమాలూ ఎలాంటి ఇబ్బందులూ లేకుండా పూర్తయ్యాయి. మినా శివార్లలో బస్‌ డ్రైవర్లు కూడా యాత్రీకులకు తగిన సేవలు అందిస్తున్నారు.